VOV4.M’nông: Rmôt kan dak pring xăng Việt Nam (Petrolimex) mbơh, ntơm lơ 14/8 tât lơ 18/8, Petrolimex hŏ kơl an rlau 3,5 rmen prăk kơl an rvăt năp ndơ dŏng dak si ndrưl 125 tấn phe tât ngih dak si ndrel ăp rnăk ƀon lan mâp nau jêr tâm âk n’gor mpeh ba dâng. Ngăn lah: kơl an 2 rmen prăk nglăp ndơ pă oxy ndrel pă khí nén ân ngih dak si Nhiệt đới nkuăl ƀon têh Hồ Chí Minh, Ngih dak si Hồi sức Covid-19 Nkuăl ƀon têh Hồ Chí Minh ndrel 50 tấn phe, kơl an n’gor Đồng Nai du rmen prăk tâm nau njrăng, rdâng srê ndrel 25 tấn phe, kơl an n’gor Long An ndrel Bình Dương du n’gor 25 tấn phe, nkre, rgop tâm lơh rdâng srê Covid-19 bah n’gor Đồng Tháp 250 rkeh ndrel n’gor Thừa Thiên Huế 300 rkeh. Bah năp nê, Petrolimex hŏ rgop 250 rmen tâm tơm prăk rvăt vắc xin njrăng rdâng srê Covid-19./.

Nŭih rblang: H’Thi