VOV4.M’nông - Ngoăy tâm âk nău kan mbah rhơn nkah gĭt 91 năm Nar ndâk njêng Rmôt kan Liên hiệp bu ur Việt Nam n’hanh Nar bu ur Việt Nam 20/10, ta nkual ƀon têh Kon Tum, Rmôt kan Liên hiệp bu ur n’gor Kon Tum hăn ndrel đah ăp ndơ OCOP n’hanh n’glôch jêh Rơh tâm rlong bu ur ntơm ndâk njêng nău kan mĭn ƀư mhe 2021.

Nkoch mbơh ndơ ntơm rdâk njêng bah nuĭh bu ur Kon Tum ta rƀŭn.

Jêh rlău 4 năm ƀư tĭng nău rgop an tâm nchră “Ntop kơl bu ur ntơm ndâk njêng nău kan lvang 2017-2025”, geh 9 nău mĭn ƀư ndâk njêng nău kan bah bu ur Kon Tum geh ndơ nkhôm rơh tâm rlong ndâk njêng nău kan yor Trung ương Rmôt kan Liên hiệp bu ur Việt Nam ƀư; ăp gưl rmôt tâm n’gor boăt nthoi, ƀư tâm rgop 30 nău mĭn ƀư ndâk njêng nău kan; ăp nuĭh tâm rmôt, bu ur tât râng ndâk njêng 34 ndơ OCOP bah n’gor. Ta rƀŭn, âk nău rgop bah nuĭh ntoh măt lĕ ƀư kloh lơn mpeh trong ƀư nău kơl ntop kơl bu ur ntơm ndâk njêng nău kan, nău blău ơm tâm nău kan joi ntŭk tăch ndơ, ntrôl ngăch tăch rgâl, mpla nsơ an ndơ ntơm rdâk njêng.

Nuĭh rblang: Y Sưng Phê Ja