VOV4.M’nông: Kêng măng 29/8, rmôt nai dak si bah n’gor Gia Lai hŏ hăn ntơm nau râng njrăng rdâng srê Covid-19 ta nkuăl ƀon têh Hồ Chí Minh. Rmôt hăn kan geh 4 nai dak si ndrel 17 điều dưỡng bah n’gor Gia Lai tâm ăp rmôt: Ngih dak si Đa khoa n’gor; Ngih dak si Nhi, Ngih dak si Y dược Cổ truyền ndrel ndâk n’hâm soan bah n’gor ndrel Ntŭk kan dak si bah nkuăl, nkuăl têh, nkuăl ƀon têh. Rmôt kan mra tât ngih dak si ndâk ntrơn mhe săm srê Covid-19 tâm Quận Tân Phú, nkuăl ƀon têh Hồ Chí Minh ƀư nau kan ndal ndrel săm ân nŭih ji Covid-19 tâm Quận.

Ăp nŭih tâm rmôt kan geh n’gor kơl an geh nklâm ndơ 10 rkeh ndrel nchrăp ăp tŏng ndoh ndơ dŏng ndơ nsoih, ndeh dŏng njrăng rdâng srê. Bah lor hăn trong, rmôt cán bộ nai dak si bah n’gor Gia Lai hŏ geh ntĭm nri mpeh nau blau tâm nau uănh năl ndrel nau săm, mât chăm nŭih ji Covid-19, nau kan njrăng, nkân njrăng nau ntưp rêng bah srê Covid-19. Nau kan sŏk ndơ uănh năl ntưp, mât prăp, nchuăn rdeng ndơ năl ji SARS-Cov2./.

Nŭih rblang: H’Thi