VOV4.M’nông: N’gâng kan dak si mhe ƀư nau rƀŭn rgum ƀư nau kan kơt tĭng Nar lam ntur njrăng rdâng srê. Tâm nar rƀŭn, N’gâng kan dak si mbơh: Tât rnôk aơ, lam dak hŏ chuh bơi tât bơi tât 150 rkeh dĭng vắc xin tâm rnoh rlau 166 rkeh dĭng hŏ geh chuh ntop. Rnoh aơ hŏ geh chuh đê̆ ngăn du dĭng vắc xin lah 79% ndrel rnoh geh chuh vắc xin lah 66% rnoh nŭih. Rnoh aơ hŏ rlet rlau nkô̆ nau ma ntŭk kan dak si lam ntur neh nchrăp luh tât lôch năm aơ, 40% rnoh nŭih bah ăp dak geh chuh vắc xin njrăng rdâng srê Covid-19. N'gâng kan dak si đă ăp nkuăl mât ân rjăp rnoh nŭih mra geh nau khuch tâm nkuăl, ƀư nau chuh vắc xin njrăng rdâng srê Covid-19 tât ăp ntŭk, tâm ngih, đăp mpăn mô geh nchlơi du hê tâm rnoh nŭih mra geh ntưp; Ƀư nau mât chăm ndrek chăm nŭih F0 tâm rmôt mra geh nau ntưp ntơm rnôk geh saơ./.

Nŭih rblang: H’Thi