VOV4.M’nông - Ta năp ăp nu nău jêr jŏt bah srê Covid-19 ta n’gor Dak Lak rnôk na nao kơp dơn âk nuĭh ntưp tâm nar, N’gâng kan dak si n’gor Dak Lak lĕ an Trong nchrăp đah nău ndâk njêng ntŭk sŏk dŏng săm Covid-19. Bah meng ntop ăp Ngih dak si hăn ăp ntŭk, ngih dak rdâng săm, ri nău khlay tâm trong nchrăp aơ lah n’gor mbra ƀư mât uănh n’hanh mât săm F0 ta ngih, rgâl nău dŏng lĕ rngôch ăp Ngih dak si jêng ntŭk sŏk dŏng săm Covid-19.

Rnoh nuĭh ntưp Covid-19 hao ngăch, Dak Lak mbơh ƀư trong săm F0 ta ngih

Tĭng nĕ, mbra kơt dŏng săm ji ta jay đah nuĭh ji Covid-19 mô geh ntoh nău ji n’hanh tŏng ăp rnoh an bah N’gâng kan dak si mpeh ntĭm săm gŭ ta jay, dơi nuĭh kan dak si, n’gâng kan ƀon lan uănh nđôi n’hanh năl tŏng ăp ndơ. Tâm nar 2/11 n’gor Dak Lak kơp dơn 102 nuĭh ji Covid-19, tâm nĕ geh 44 nuĭh ntŭk gŭ rêh, n’hao dĭng lĕ nuĭh ntưp Covid-19 lam n’gor hao 4.396 nuĭh.

Nuĭh rblang: Y Sưng Phê Ja