VOV4.Mnông-Kêng măng nar 28/10/2021, Thủ tướng Chính Phạm Minh Chính lĕ ndrel đah ăp nuĭh leo kan ASEAN, tât râng rơh nglôch lôch rƀŭn nchră gâl têh ASEAN tal 38 n’hanh 39 n’hanh ăp rơh rƀŭn nchră gâl têh geh tât n’hanh lễ mbơh pă nău kan đah nău kan ƀư kruanh ASEAN năm 2021, kađăch Brunei lah na nê̆ bôl ma geh ăp nău jêr jŏt yor nuh srê ntưp rêng jêr njrăng bâh nuh srê Covid-19, ASEAN geh hun hao tay nâp nâl.

Mpŏng tât nău rêh let năp tay, kađăch Brunei dăn đă an geh ntrôl tay ăp nău nsrôih kan nsum rdâk njêng ntŭk rêh jêng ASEAN bâh nău kan ntrôl ƀư tĭng chủ nghĩa âk ding n’hanh rdâk njêng du nău kan nâp dăng ta nkual. Dơn nău kan ƀư kruanh ASEAN năm 2022, Thủ tướng Campuchia mbơh bôk nău kan năm kruanh ASEAN 2022 lah “ASEAN pah kan ndrel tâm rdâng đah ăp nău ntul rlong” yor nău đăp mpăn ta nkual, ntrôl dăng rdâk njêng du ntŭk rêh jêng tâm ban, nâp dăng n’hanh lĕ rngôch, tâm di đah nău mĭn kan bâh ASEAN ndrel ntrôl du nău mpŏng kan, du nău ueh êng, du ntŭk rêh jêng.

Nuĭh rblang: Thị Đoắt