VOV4.Mnông- Groi Thủ tướng râng kan chính phủ Phạm Bình Minh lĕ ndrel đah groi Thủ tướng, kruanh n’gâng kan Nội vụ dak Campuchia Xo Khênh ndrel leo rơh rƀŭn nchră tâm kơl n’hanh hun hao ăp n’gor n’har bri Việt Nam-Campuchia tal 11 tĭng trong trực tuyến. Rơh rƀŭn nchră rgum uănh năl nău kan ƀư tĭng ăp nău tâm ton dơi geh ta rơh rƀŭn nchră  tal 10 geh ƀư ta khay 1/2019, nkre lah tâm mbơh mpeh ntrong kan tâm kơl đah ăp n’gor n’har bri Việt Nam-Campuchia tâm let năp tay. Ntoh ngơi ta rơh rƀŭn nchră, bar hê nuĭh leo kan lah na nê̆ bol ma geh nău tât khuch bâh nuh srê Covid-19, nău tâm boh đah bar dak hôm nha geh mât n’hanh hun hao đăp mpăn, ăp nar lơ ma lăp jru ueh, săk rnglăy n’hanh ngăn ngên. Tâm let năp tay, bar ding tâm ban ŭch nsrôih n’hao tay lơn săk rnglăy tâm rgop tâm rdâng đah nuh srê Covid-19, tâm rgop âk ta nău kan mât njrăng srê tâm ban kơt ntrôl ndâk nsơm, hun hao wăng sa, rêh jêng bâh bar dak lah nsum n’hanh ăp n’gor n’har bri lah êng.

Nuĭh rblang: Thị Đoắt