VOV4.M’nông – Kêng măng 10/9, Ủy viên Bộ Chính trị, Groi Thủ tướng rnâng kan Chính phủ Phạm Minh Chính ndrel Ủy viên Quốc vụ, Kruanh N’gâng kan tâm rnglăp nchră nău Trung Quốc Vương Nghị ndrel ƀư tơm Rơh rƀŭn tal 13 Ủy ban ntĭm rđău kan ndrel ăp ding Việt Nam-Trung Quốc.

Rơh rƀŭn tal 13 Ủy ban ntĭm rđău Kan ndrel ăp ding Việt Nam-Trung Quốc

Ta rơh rƀŭn, 2 ding tâm ban ŭch ntrôl ƀư ăp rơh khâl, tâm mâp gưl prêh; ƀư săk rnglăy kan ndrel đah 2 đảng; mât uănh nău khlay bah 2 N’gâng kan nchră nău tâm pă, ntrŭt tâm boh 2 dak; ƀư uĕh ăp trong kan tâm nđŭr, kan ndrel tâm ăp ntil mât njrăng bri dak, rnă njrăng, ƀư tĭng pháp luật; tâm rgâl nău blău ơm n’hanh kan ndrel mpeh njrăng n’gang srê Covid-19, tâm nĕ geh kan ndrel mpeh vaccine. Wa Vương Nghị mbơh Trung Quốc mbra ntop kơl tay 3 rkeh dĭng vaccin an Việt Nam tâm năm aơ, n’hao dĭng lĕ vaccine ntop kơl bah Trung Quốc hao 5,7 rkeh dĭng. Mpeh nău ta dak lêng, 2 ding tâm ban ŭch tĭng rjăp nău wât nsum gưl prêh, uănh nđôi uĕh nău tâm rkeh, mô geh nău ƀư jêr, pơk hvi mô tâm pit, ndrel mât đăp mpăn, uĕh lăng ta Biển Đông.

Nuĭh rblang: Y Sưng Phê Ja