VOV4.M’nông: Ôi lơ 8/10, ta Hà Nội geh rơh rƀŭn lam dak lôch nau kan rnoi mpôl 9 khay bôk năm ndrel ntrŭnh ƀư nau kan tâm 3 khay dŭt năm 2021. Rơh rƀŭn hŏ djăt nau rgop bah ntoh măt ăp nkuăl geh âk nŭih rnoi mpôl đê̆ gŭ rêh. Ăp nau rgop mbơh rghum ăp nau tă dơi tâm nau mât chăm nau rêh bah kônh wa, kŏ kơt lah nau njrăng, rdâng srê Covid-19 tâm nkuăl rnoi mpôl đê̆, gôl yôk. Êp nê, ăp nau rgop kŏ nchŏng ăp nau jêr, nau kol tâm nau ƀư nau kan tâm rơh mhe, nkre đă ăp nau doh rklaih. Ntoh nau ta nar rƀŭn, Kruanh n’gâng kan Uỷ ban Dân tộc Hầu A Lềnh mbơh, tâm rnôk geh srê Covid-19 hôm geh nau tât, ntŭk kan ƀư nau kan rnoi mpôl tă bah Trung ương tâm nkuăl ân nsôih ƀư ueh nau kan, tâm rgop ngăn đah ăp ntŭk kan tâm ntrong kan, gay nau kan rnoi mpôl đê̆ ndrel dôl yôk geh nau ueh nâp ngăn./.

Nŭih rblang: H’Thi