VOV4.Mnông-Ta Hà Nội, Hội đồng Doanh nhân bu ur Việt Nam tâm rgop ndrel đah ntŭk kan Liên hợp quốc mpeh nău tâm ban bu ur bu klô n’hanh pă nău dơi an bu ur (UN Women) leo ƀư rơh tâm mâp nuĭh bu ur pah kan tăch rgâl Việt Nam 2021 đah rlău 40 ntŭk tâm mâp di rơh kahgĭt nar nuĭh bu ur pah kan tăch rgâl Việt Nam 13/10, nar bu ur Việt Nam 20/10, n’hanh 20 năm nar njêng mpôl kan nuĭh bu ur pah kan tăch rgâl. Rơh tâm mâp năm aơ geh bôk nău “Rgâl rnoh mbrô: Bâh nău uănh năl tât nău pah kan”, gay ma n’hao nău dơi wăng sa bâh bu ur bâh rnoh kơl an doanh nghiệp yor bu ur ƀư tơm, ndâk nsơm nău pah kan tăch rgâl, tâm di tâm rnôk rgâl mhe công nghệ 4.0  n’hanh đah nău tât khuch bâh nuh srê Covid-19 dôl geh ta lam ntur neh n’hanh ta Việt Nam. Ta rơh tâm mâp, ndơn kan an ăp ntŭk kan, doanh nghiệp ndrel tâm mbơh, ƀư kloh ăp nău mpeh rgâl rnoh mbrô đah doanh nghiệp, tâm nĕ geh doanh nghiệp yor bu ur ƀư tơm, ăp nău kan, dịch vụ, nău rnoh mbrô tơm mbra dơi geh dŏng an ăp doanh nghiệp tâm rnôk geh nuh srê Covid-19, ntrong kan an tâm di gay ma ƀư rgâl rnoh mbrô đah ăp doanh nghiệp jê̆ n’hanh tâm ban, ntrong kan leo ƀư pah kan rnôk ma ƀư tĭng rgâl mhe rnoh mbrô ta doanh nghiệp.

Nuĭh rblang: Thị Đoắt