VOV4.M’nông: Tâm n’gor Kon Tum, tâm ăp nar rlau aơ, geh 2 rmôt kan hŏ ntơm dâk luh rvăt phe ndrel ka, kơl an ƀon lan tâm n’gor jêh ri leo ntrơn pă ân ƀon lan tâm nkuăl geh srê Covid-19 tâm nkuăl ƀon têh Hồ Chí Minh. Bar ntŭk kan hŏ ƀư nau kan ueh ngăn nê lah Công ty cổ phần Tấn Phát (n’gor Kon Tum) ndrel công ty cổ phần Năng lượng Đại Trường Thành Holdings (nkuăl ƀon têh Hồ Chí Minh).

2 công ty hŏ rvăt 50 tấn phe ndrel 20 tấn ka bah ƀon lan xã Đăk La, nkuăl Đăk Hà, n’gor Kon Tum jêh ri ân ma nŭih ƀon lan dôl geh nkhah srang rdâng srê Covid-19 tâm Quận Bình Thạnh ndrel Quận 12, nkuăl ƀon têh Hồ Chí Minh. Nau kan aơ nkre kơl an rvăt ndơ tuch tăm, nkre kơl an, bonh đă năn ân nŭih ƀon lan tâm nkuăl geh srê./.

Nŭih rblang: H’Thi