VOV4.M'nông: Trung thu lah Tết bah kon se, lah rnôk ăp kon se jê̆ dơi lăp nsum tâm khuh n'gôr rhơn mƀak, njôm wăr bah meng u che, me bơ̆ sa ndơ, bŏng khay. Yơn lah, ta du đêt n'gor lam dak, năm aơ ăp kon se wơt Tết Trung thu tâm nkual an gŭ rgum êng mô lah dôl ndrel rnăk wâl gŭ srang ngai êng lam rêh jêng gay njrăng n'gang nuh srê COVID-19.

Nkhêp geh Tết Trung thu, Kruanh dak Nguyễn Xuân Phúc njuăl si ƀŭt tât ăp druh ndăm rchong, kon se jê̆, tâm si ƀŭt njuăl geh gâl nchih: Wa dŭt yô̆ rnôk âk mon său săk hôm jê̆ yơn hŏ jêng ăp "tahen jê̆" han săk, gŭ êng tâm rnôk rnăk wâl ƀư gŭ srang ngai êng; me, bơ̆ rnăk wâl ân manh gŭ ngai ăp mon său gay tĭng  ƀư nău kan ta bôk trong rlong sial rdâng lơh nuh srê. Wa dŭt rhơn n'hanh rhơn rnê ăp mon său hŏ gĭt rlău dơi jêr jŏt, jăp uĕh, geh nău dơi âk tâm kơt nti, di đah nău mât uănh, pêt mât bah rnăk wâl n'hanh lam rêh jêng kon nuĭh. Ăp mon său ân way mât nuih n'hâm rŏng dak, nău n'hao êng săk, kroh khar, mô rlu tiăr nti nău gĭt blău, nuih n'hâm uĕh lŏng gay rgop rdâk njêng neh dak he nar lơn ma geh ndrŏng, têh kuâng kơt Wa Hồ dêh rŏng hŏ nsing nơm ta druh ndăm rchong, kon se jê̆ Việt Nam./.

Nuĭh rblang: Điểu Thân