VOV4.Mnông- Ta năp nău tât jêr njrăng bâh nuh srê, đah rnoh nuĭh ntưp Covid-19 ăp nar lơ ma hao âk, tâm nar 5/1, kruanh UBND nkuăl ƀon têh Đà Lạt, n’gor Lâm Đồng lĕ ntrŭnh mbơh njêng 16 trạm y tế hăn kan ta lĕ rngôch ăp xã, phường bâh nkuăl ƀon têh.

Wa Trần Thị Vũ Loan, groi kruanh UBND nkuăl ƀon têh Đà Lạt an gĭt, nău njêng ăp trạm y tế hăn kan ăp ntŭk lah dŭt khlăy gay ma mât chăm săk soan an ăp nuĭh săm Covid-19 ta jay, nkre lah tâm rdâng đah ăp nău tât ndal ta ntŭk kan ba dâng tâm rnôk geh nuh srê Covid-19 dôl ntưp rêng dŭt jêr njrăng. Kơp tât rnôk aơ, nkuăl ƀon têh Đà Lạt kơp dơn lĕ dĭng lĕ geh rlău 2.200 nuĭh ntưp srê Covid-19, tâm nĕ dŭt âk lah lĕ săm bah n’hanh sĭt ta jay. Aƀaơ, hôm nha geh 784 nuĭh dôl geh gŭ săm êng, tâm rnoh aơ geh rlău 400 nuĭh săm bah ta jay, 8/16 xã phường bâh nkuăl ƀon têh geh srê ta rnoh mbrô 3 rnoh mbrô ntưp dŭt âk đah Covid-19.

Nuĭh rblang: Thị Đoắt