VOV5.M’nông: Tâm rơh tết năm mhe rlau aơ, rnoh nu\ih si\t tă bah dak ba dih, lăp dak tih dôih tâm nkuăl n’har bri Tây Nguyên lah nsum ndrel Gia Lai lah êng hao âk nau mra tât khuch ntưp srê Covid-19. Gay mô ndrât ndal, tahen Biên phòng n’gor Gia Lai n’hao nau nkân njrăng nkuăl n’har bri, mô ân lăp nu\ih tih dôih, đăp mpăn rnă njrăng chính trị tâm trong n’har bri tâm ăp nar êp tết năm mhe Tân Sửu 2021

Ti\ng nau kơp tă bah N’gâng kan rđau tahen n’gor Gia Lai, năm 2020, n’gor Gia Lai geh rlau 2.200 nu\ih lăp dak, rlau 1.500 nu\ih luh. Rnoh mhe ngăn ân saơ, ntơm lơ 1/1/ tât 4/2/2021, Gia Lai geh 844 nu\ih lăp dak, 48 nu\ih luh dak, nkhah 883 nu\ih. Ngăn lah, tâm rnôk êp tết ndrel nau tât jêr bah srê Covid-19, Gia Lai geh tât 12 tơ\ lăp dak tih dôih đah 39 nu\ih tih knu\ng tâm 1 khay bôk năm 2021.

Bah năp nau nê, ăp cán bộ, tahen Biên phòng n’gor Gia Lai mât chăm măng nar tâm nkuăl n’har bri “sa tâm nthưp, bi\ch tâm bri” [ư nau kan bar ntil, nkre mât njrăng nau kan rdâng lơh srê Covid-19, nkre đăp mpăn rnă njrăng chính trị, đăp mpăn nau rêh jêng ân [on lan tâm nkuăl n’har bri gay ma đăp mpăn vơt tết năm mhe. Ngăn lah rdâng nau luh, lăp tih dôih tâm ăp nkuăl n’har ri, n’huch ngăn nau ntưp rêng srê Covid-19.

Tâm nkual nglah 3 n’har bri đah dak Krong Sê San, ăp nar du\t năm, nu\ih băl mpôl bah bar dak vay hăn ro, ôp khâl, ko\ kơt lah nhu\p joi ka ndrel [ư mir tâm êp đah bar dak krong. Ndăn nau tât âk bah năp tết, âk nui\ih lăp tâm nkuăl aơ gay ma lăp dak nơm tih dôih. Yor ri, Đồn biên phòng Ia O, N’gâng kan rđau kan tahen n’gor Gia Lai n’hao nau kan mêt uănh, nkân njrăng gay ma rdâng nau luh, lăp dak tih dôih bah năp tết năm mhe Tân Sửu 2021.

Đah trong n’har bri jong nklăp 90km, rmôt n’gâng kan tâm ăp ntu\k nkân njrăng nkuăl n’har bri mô âk, yor ri, N’gâng kan rđau kan tahen Biên phòng Gia Lai ho\ tâm rgop nsum đah rmôt dân quân, công an, n’gâng kan tâm nau mpơl saơ, lơh rdâng ăp trong leo hăn nu\ih luih, lăp dak nơm tih dôih.

Ăp pôih tahen vay nti\m nti ăp nau kan gay ma nhu\p rdâng phung tih dôih đah ăp nau kan, nau tât ngăn. Mât 24 ntu\k njrăng ndrel 10 rmôt kan nân njrăng dơi ntrơn hăn đah 100% rnoh nu\ih gay ma mât tâm nkuăl, đăp mpăn nkual n’har bri ueh nâp.

Đại uý Nguyễn Thanh Hà, Groi Kruanh pôih tahen Biên phòng Ia O, N’gâng kan rđau kan tahen n’gor Gia Lai mbơh, ntu\k kan vay pă rmôt, tâm ăp trong r[o\ng tât ntu\k khlay tâm nkuăl n’har bri ndrel nti\m mbơh ân oh nô ăp nau kan, gay mô ân geh nau tât ndrât ndal. Ntơm năm 2021 tât rnôk aơ, bol ma lah rnôk êp tết, trong n’har bri Ia O mât mô geh nu\ih luh lăp.

A[aơ, srê Covid-19 dôl geh tâm n’gor Gia Lai, N’gâng kan rđau tahen Biên phòng ho\ rđau n’hao nau kan njrăng, rdâng tât ăp ntu\k tahen biên phòng. Ăp ntu\k tâm rgop nsum đah dân quân, công an xã ndâk ăp rmôt nkân uănh, ntu\k kơl an nau kan ngăch. Nkre, pă ân cán bộ, tahen bonh đă [on lan tâm nkuăl kơt ti\ng rjăp nau ntru\nh mpeh nau njrăng, rdâng srê Covid-19. Nau kan mô knu\ng geh nkhah tâm ăp rơh lơh rdâng kăl e, ma hôm geh uănh bah nau đăp mpăn ân [on lan bah rnôk đăp mpăn aơ. Tết năm aơ, ăp tahen ao ndrih lo\ geh tay du tơ\ ngai ma rnăk vâl gay ma mât đăp mpăn ân trong tơm bah neh dak./.

                        Nu\ih rblang: H’Thi