VOV4.M’nông: Ăp cán bộ, nu\ih pah kan nsum bah n’gor Lâm Đồng mro mâp nau ueh ang bah “Tahen Wa Hồ” tâm nau rêh ăp nar, leo lor tâm ăp nau kan, ăp nau rgo\ jă tâm nkuăl. Ngăn lah, tahen ơm ho\ nsôih râng nau ndâk njêng mât Đảng, n’gâng kan, rgop nau mât rnă njrăng đăp mpăn chính trị tâm nkuăl.

A[aơ, Rmôt tahen ơm n’gor Lâm Đồng geh 14 ntu\k tâm dâng, đah rlau 28.300 nu\ih. Tâm ăp năm rlau aơ, ăp gưl kan bah mrôt tahen ơm n’gor Lâm Đồng ho\ ti\ng kơt ueh nau vay ơm “Tahen Wa Hồ”, nau vay ơm rmôt tahen ơm Việt Nam “Pah kan ngăn, tâm rnglăp, leo lor, rgâl mhe”. Ndrel đah nê, rmôt tahen ơm bah n’gor lo\ ntru\t dăng nau kan tâm rlong “Tahen ơm leo nau kan lor” mro rnơm tâm nau rđau kan bah Đảng, nsôih râng ăp nau kan bah nkuăl. ĂP năm, ăp gưl kan bah rmôt tahen ơm bah n’gor ho\ ndâk njêng bôk nau kan, nau ntru\nh, nau nchrăp n’hêl gay [ư ân geh ngăn ăp bôk nau kan, nau ntru\nh bah ăp gưl uỷ đảng.

Ndrel ma nê, ăp gưl kan bah rmôt tahen ơm ho\ tâm rgop nsum đah ăp gưl kan, rmôt kan tâm n’gor ntru\nh âk nau kan tơm lah nau nkoch trêng, nti\m mbơh n’hao nau leo lor, nau mât nâp chính trị, kơt ti\ng nau vay ueh ơm bah “Tahen Wa Hồ” mro kơt ti\ng ân rjăp nau kan bah mrôt nơm. Ntă bah nê rgop ueh tâm nau kan [ư ti\ng ăp nau ntru\nh bah n’gor uỷ mpeh nau hun hao văng sa, rêh jêng, đăp mpăn rnă njrăng bah n’gor.

Ti\ng nau kơp bah rmôt tahen ơm n’gor Lâm Đồng, a[aơ lam n’gor geh bơi tât 1.500 đảng viên lah nu\ih bah rmôt geh săch tâm ăp gưl kan. Ăp cán bộ, rmôt nu\ih tâm tahen ơm mât ăp nau kan bah Đảng, n’gâng kan ko\ geh nau nsôih ngăn ndrel kơt ti\ng ân ueh nau kan bah nơm. Âk nu\ih tâm rmôt tahen ơm [ư bí thư chi bộ, kruanh tổ dân phố, kruanh thôn, leo lor, nsôih gơih nau kan, geh [on lan rnơm, aơ lah rmôt leo lor tâm nau kan ndâk njêng trong kan chính trị tâm dâng, rgop nau leo nau ntru\nh bah Đảng, nau ntru\mnh, pháp luật bah Ngih dak lăp tâm nau rêh.

Ăp cán bộ rmôt kan bah tahen ơm mro mât nau ueh ơm bah “Tahen Wa Hồ” tâm nau rêh, mro leo lor tâm nau kan, ăp nau rgo\ jă bah tâm dâng. Tâm ăp năm rlau aơ, ăp cán bộ, tahen ơm ho\ pă rlau 100 rbăn m2 neh, rgop âk jêt rmen prăk, ndrel [[on lan ndâk njêng [[on lan mhe. Ngăn lah, tâm nau kan “Lam [on lan mât rnă njrăng neh dak’ ăp cán bộ, tahen ơm bah ăp phường, nkuăl têh ho\ nsôih ndâk du đê\ nau kan ntoh lư kơt lah “Goh mông rna ửnăng”, “Mpông mât đăp mpăn’, “mpông trong đăp mpăn”, “rmôt mât êng tahen ơm”, “rnoi mpôl mô geh phung tih dôih ndrel nau tih dôih ma tuý”, “Trong hăn tahen ơm mât êng”…Ăp năm geh 98% rnăk vâl tahen ơm geh rnăk bâl văn hoá, 95% rmôt nu\ih nchrăp dơi to\ng nau dơi leo lor.

Rơh rlau aơ, ăp ăp gưl kan tahen ơm tâm n’gor Lâm Đồng ko\ bau ntru\t dăng nau kan tâm rlong “tahen ơm leo lor” tâm nau kơl an hun hao văng sa, mât chăm nau rêh ân ăp nu\ih. Rmôt tahen ơm ăp gưl ho\ ndâk geh 12 rmôt kan nu\ih pah kan tăch rgâl bah tahen tâm rmôt tahen ơm pah kan jan sa đah 293 nu\ih kan, 50 ntu\k kan, 22 rmôt tâm boh nau kan nsum, 35 rmôt kan tâm kơl pah kan jan sa, rgum bơi tât 1.800 nu\ih. Ăp rmôt kan ho\ pơk trong mhe ân nau hun hao nau kan ê nkra, tăch rgâl ndrel tăch rgâl ndoh ndơ, njêng tu tơm mât nau pah kan jan sa ân tahen ơm bah ăp nau kan pah kan [ư nau kan khoa học, tâm nchră nau tă blau nau kan mhe lăp tâm nau rêh, tăch rgâl.

Ndrel đah nê, rmôt tahen ơm ăp gưl kan tâm n’gor Lâm Đồng ho\ tâm rgop, tâm nrglăp ngăn rmôt kan druh ndăm tâm nau kan gay ma nti\m nti nau mi\n nau kan ân rơh mom lo\ nthoi tay nau ueh ơm ro\ng dak. Nkre lah [ư âk nau kan geh nau khlay kơt lah, nar hăn tahen mhe, hăn tât ntu\k tu tơm ơm, mpoh jrêng nkah gi\\t, kao hồng tahen, hăn joi ntu\k kơl an, nkoch bri nau ơm kăl e.

Wa Trần Văn Bộ, Groi Kruanh rmôt kan tahen ơm n’gor Lâm Đồng ân gi\t, rơh rlau aơ rmôt kan tahen ơm ăp gưl kan tâm n’gor mra lo\ kơt ti\ng ăp nau kan tă geh nau dơi, mât tâm dăch nau đă, nau kan chính trị bah n’gor ndrel bah rmôt, ntru\t dăng nau kan tâm rlong ro\ng dak, tâm rnglăp, nsôih [ư ân jêh nau kan geh jao. Kơt ti\ng nau dơi ueh bah “Tahen Wa Hồ”, ăp gưl kan bah mrôt tahen ơm tâm n’gor lo\ [a [ơ mât chă, nti\m nti nau kan ân rmôt nu\ih, nsôih lơh rdâng nau mi\n tih dôih bah ăp rmôt kan bah phung rlăng, rgop nau ndâk njêng Đảng kloh ang, mât nâp, rnă njrăng đăp mpăn chính trị, mât đăp mpăn nau rêh jêng bah n’gor./.

Nu\ih rblang: H’Thi