VOV4.M’nông: Học viện Nchră nau tâm rgop nsum đah ntŭk kan ntoh măt bah Thái Lan ta Hà Nội ndrel nŭih ntoh măt bah Việt Nam ta Băng cốc nkre ƀư nau tâm nchră di nkah 45 năm nar ndâk nau tâm boh nchră nau Việt Nam-Thái Lan (6/8/1976-6/8/2021). Tâm nchră trực tuyến ndrel nkoch mbơh trực tiếp tâm mạng xã hội Facebook gay ma mbơh mpeh nau tâm boh Việt Nam-Thái Lan tât âk mpưm ƀon lan. Ntoh nau ta nar tâm nchră, ntoh măt Việt Nam ta Thái Lan Phan Chí Thành lah rjăp, nau nkah 45 năm lah rnôk khlay gay ma bar dak ndrel uănh tay ăp nau tă dơi geh ndrel nau rƀŏng tât ba kơi. Đah nau khuh n’gôr tâm nchră sŏng, tâm nchră mô êng lah gay nkoch mbơh ăp nau ŭch rŏng ueh lăng đah 2 dak tâm 45 năm rlau aơ, ma hôm ƀư rjăp lơn tay nau tâm boh kan nsum ăp ntil n’hao nau kan Việt Nam-Thái Lan. Ăp nau đă ƀư nau kan kơl an geh n’hao tâm nau tâm nchră pơk âk nau kan, nau ueh ân nau tâm boh ngăn đah 2 dak tâm rơh kan mhe./.

Nŭih rblang: H’Thi