VOV4.M'nông: Ôi ntri (20/9) ta nhih pah kan Chính phủ, Groi Thủ tướng Lê Văn Thành ƀư tơm rơh tâm nchră pơk sŏng dăng “Droh rklaih jêr jŏt, kŏ kol an ăp doanh nghiệp ƀư njêng ta ăp nkual công nghiệp, nkual wăng sa, nkual nkret njêng ndăng, nkual công nghệ cao n'hanh rkŭm công nghiệp”.

N'glôch jêh rơh hop, Groi Thủ tướng Lê Văn Thành dăn đă ăp  doanh nghiệp lor nchrăp rdâk njêng trong nkra dâk hao tay nău kan ƀư njêng, đăp mpăn an nuĭh kan tâm njrăng n'gang nuh srê ntơm bah rêng ƀư njêng tât n'gluh tăch; tâm boh kan nsum đah ăp n'gor gay tâm ban ŭch trong nchrăp chuh n'gang an công nhân, tĭng ƀư uănh năl mham tĭng rơh tĭng di nău way, đăp mpăn mô geh F0 tâm nău kan, dơn bah năp n'gâng kan ta ntŭk, mô an geh nuh srê tâm nău kan ƀư njêng. Nkre đă Bộ Y tế ân geh trong nchră kan na nê̆ tâm pă vaccine tât ăp n'gor geh ăp nkual, rkŭm công nghiệp, ntĭm nti ăp trong njrăng n'gang nuh srê, đăp mpăn lĕ rngôch an nuĭh kan./.

Nuĭh rblang: Điểu Thân