VOV4.M'nông: Ôi 8/10, ta Hà Nội, Ban Pah kan đại biểu bah Ủy ban Thường vụ Quốc hội ƀư tâm nchră nkoch mbơh n'hanh nău gĭt blău tơm an đại biểu Quốc hội khóa XV dơi lăp bôk năp. Lah ta rnôk tâm nchră, Groi Kruanh Rnâng kan Quốc hội Trần Thanh Mẫn lah rjăp: Đại biểu Quốc hội lah nuĭh rgum tơm, geh nău kan khlay n'glêh an tât geh nău dơi săk blău n'hanh geh nău tam kan bah Quốc hội. Nău tâm ôp nău tă ơm gĭt kan, kơi năp nti nău blău, nău gĭt kan lah ngoăy tâm ăp trong ntop kơl đại biểu Quốc hội n'hao dăng kan, nău blău kan ta ntŭk rgum nchră, mât uĕh nuih n'hâm way gĭt blău, mpơl suan dăng bah tĭng nuĭh. Ta rnôk tâm nchră, ăp nuĭh râng dơi nuĭh mbơh nău lư nkoch gĭt n'hanh tâm pă nău tă tơm gĭt kan geh tât way bôk nkô̆ kơt: Uănh năl di tay n'hanh nău blău uănh năl di tay trong nchrăp luật, pháp lệnh; nău blău rgop nău, tâm nchră, tâm rlăch n'hanh ơh báo chí ta hội trường.

        Nuĭh rblang: Điểu Thân