VOV4.M'nông: Kêng măng 27/8, Bí thư Trung ương Đảng, Kruanh Ủy ban Trung ương MTTQ Việt Nam Đỗ Văn Chiến hŏ dơn rnoh prăk kơl 1 rmen prăk bah Công ty TNHH hun hao Nam Bình Xuyên Green Park kơl bôk nău kan "Rkeh nklâm ndơ tâm rnglăp kơl ƀon lan mpeh bah dâng rlău dơi nuh srê Covid-19”. Tât aƀaơ, Uỷ ban Trung ương MTTQ Việt Nam hŏ tâm pă 117 rmen prăk ntop kơl an nkual ƀon têh Hồ Chí Minh n'hanh ăp n'gor mpeh bah dâng tĭng bôk nău kan rgŏ jă khlay dja. Kruanh Uỷ ban Trung ương MTTQ Việt Nam Đỗ Văn Chiến lah rjăp, mbra njuăl ngăch rnoh prăk kơl dja tât ti nuĭh ƀon lan gay an kônh wa rhơn nđơr rlău dơi ăp nar khay jêr jŏt rdâng lơh nuh srê Covid 19.  Wa Đỗ Văn Chiến ŭch rŏng let năp tay mbra geh âk nuih n'hâm uĕh lŏng nsum ti ndrel ntop kơl nuĭh ƀon lan rlău dơi jêr jŏt bah trôk nar lơh, nuh srê./.

Nuĭh rblang: Điểu Thân