VOV4.M’nông – Ăp năm bah năp, nu^h [on lan Dak Nông le\ nsrôih r[o\ng t^ng ntrong leo tâm rlong ndâk njêng thôn [on mhe, tă bah ne\ rgop prăk, nar luh, an neh... gay ndâk [ư ntung trong ngih wâl, rgop ntrôl thôn [on mhe nar lơ hun hao.

R[o\ng t^ng ntrong leo tâm rlong ndâk njêng thôn [on mhe, lvang 201502925, nu^h [on lan ta n’gor Dak Nông le\ rgop rlău 69 rmen prăk ndâk njêng thôn [on mhe. Bah ntrong leo aơ, [on lan râng rlău 113.400 nar luh nkra rlău 1.280 km trong thôn [on mhe; koaih rwach, nkra rlău 60 km rbông dak tâm lo\.

Tât a[aơ, lam n’gor geh 22 xă geh tâm di thôn [on mhe, tâm ne\ nău rgop mô jêt bah nu^h [on lan. Bah ntrong leo tâm rlong ndâk njêng thôn [on mhe, ăp gưl rmôt kan lo\ mir le\ rgo\ jă [on lan ndâk njêng ăp ndơ do\ng geh nkô| nău kơt: “Trong [on lan”, “Ntrong tăm tơm si [on lan”, Trong nkao [on lan”, “Mpoh ang trong [on tơm”…

Nu^h [on lan Dak Nông an neh [ư trong thôn [on

Tă bah ntrong leo tâm rlong ndâk njêng thôn [on mhe, nar lơ geh âk nu^h ntrong leo [on lan ntoh lư râng rgop ndâk njêng [on lan đah âk trong [ư ngăn ngên. Ntoh lư kơt rnăk wa Phan Thành Trung, xă Đức Minh (Dăk Mil), u\ch êng rgop 200 rkeh prăk [ư trong hăn tâm thôn [on. Rnăk wa Đặng Thiên Cảnh, xă Đức Mạnh (Dak Mil), an rlău 100m2 neh n’hanh n’gar khlay 200 rkeh prăk gay [ư trong.

Rnăk wa Cao Văn Chiến, ta xă Quảng Thành (Gia Nghĩa), ntop kơl an 8 rnăk jêr jo\t tâm nkra njêng n’hanh an ăp rnăk ach o manh 100 rkeh prăk mô so\k prăk kon gay hun hao wa\ng sa. Rnăk wâl nô Chiến hôm yan 5.000m2 neh n’hanh 400 tơm cà phê, cao su, play đur…., đah d^ng le\ khlay rlău 300 rkeh prăk gay rho\ an ndâk [ư ndơ do\ng nsum.

Rnăk wa Nguyễn Thị Thanh Nga, ta xă Dak Sin (Dak Rlâp), an 1,6 ha neh gay ndâk [ư ngih UBND xă, ngih sam [u\t mẫu giáo n’hanh nchrăp an tay lah [on lan geh nău u\ch [ư trong hăn. Wa Đào Thanh Tùng, ta xă Quảng Tân (Tuy Đức), rgo\ jă rnăk wâl n’hanh kônh wa rgop 870 rkeh prăk, 120 nar luh gay [ư 3 km trong bê tông, 3 mlâm ntung, 2 trong ding hoch dak.

Ăp gưl rmôt nu^h [on lan kan lo\ mir hôm ntrôl dăng trong kan nkoch trêng, rgo\ jă nu^h, [on lan n’hao wât mât njrăng ntu\k ntô thôn [on; rgo\ jă rmôt ndâk [ư âk ntrong kan mât njrăng ntu\k ntô gu\ âm. Rmôt kan nu^h [on lan kan lo\ mir n’gor n’hanh ăp rmôt kan gưl nkuăl, bah dâng rgo\ jă nu^h đo\ng, nu^h [on lan [ư t^ng ntrong leo “Lam [on lan tâm rnglăp ndâk njêng nău rêh ue\h blău mhe ta nkual [on lan” hăn ndrel tâm rlong ndâk njêng rnăk wâl ue\h lăng g^t blău.

Ntoh lư lah Rmôt nu^h [on lan kan lo\ mir nkuăl Dak Rlâp. Tâm âk năm bah năp, nu^h [on lan tâm nkuăl rgop rlău 50 rmen prăk, an rlău 105.0002 neh an Ngih dak pơk hvi trong thôn [on, [ư ngih sam [u\t, ngih rgum r[u\n nsum. {on lan le\ râng rgop 4.750 nar pah kan gay nkra, [ư mhe geh 548 km trong thôn [on; rwach koaih, nkra 35 km rbông dak tâm lo\. Tât a[aơ, lam nkuăl Dak Rlâp le\ geh 9/10 xă geh tâm di thôn [on mhe. Nkuăl dôl nsrôih du\t năm 2020 geh tay 1 xă tâm di xă thôn [on mhe n’hanh tât bôk năm 2021 nkua\l Dak Rlâp mbra geh nkuăl tâm di thôn [on mhe. Gay dơi geh nău r[o\ng aơ, nkuăl an geh nău rgop bah kônh wa [on lan ta ntu\k.

Bu ur n’gor Dak Nông [ư ue\h ăp trong hăn

Tât a[aơ, le\ rngôch ăp nkual [on lan dăn da dê [ư t^ng ăp nău r[o\ng, rnoh an na nê|, tâm di ntrong leo tâm rlong n’gur răm pah kan nkra njêng, ndâk njêng thôn [on mhe. {on lan tâm rnglăp, tâm kơl ndrel, rgop ntrôl hun hao wa\ng sa, nău rêh ue\h lăng g^t blău, mât njrăng bri dak-rnă njrăng, rgâl n’hanh n’hao nău rêh.

Ăp năm, lam n’gor geh rlău 90% rnoh rnăk [on lan dăn râng nsrôih jêng rnăk wâl ue\h lăng g^t blău mhe, tâm ne\ geh 85% rnoh rnăl [on lan geh rnăk wâl ue\h lăng g^t blău mhe. T^ng wa Hồ Gấm, Kruanh Rmôt kan nu^h [on lan kan lo\ mir, ntrong leo [on lan tâm rlong ndâk njêng thôn [on mhe le\ mât ue\h soan dăng n’hanh nău tâm rglăp, tâm ban u\ch bah cán bộ, nu^h kan, [on lan gay ndâk njêng thôn [on mhe. Tă bah ntrong leo, [on lan ta ăp ntu\k le\ rgop tâm nău ntrôl hun hao wa\ng sa, rêh jêng ta ăp nkual thôn [on./.

Nu^h rblang: Y Sưng Phê Ja