VOV4.M’nông – Ôi nar 29/8, Thủ tướng Chính phủ Phạm Minh Chính, Kruanh Ƀan ntĭm rđău ngih dak njrăng, n’gang srê Covid-19 lĕ ƀư tơm rƀŭn nchră pơk sŏng dăng Ƀan ntĭm rđău ngih dak njrăng n’gang Covid-19 đah 20 n’gor, nkual ƀon têh mpeh tâm Trung ương, 209 quận nkuăl, nkual têh n’hanh 1.060 xă phường, nkuăl têh, gay mât uănh rjăp nău ƀư tĭng Công điện bah Thủ tướng Chính phủ n’hanh du đêt trong mkra khlay njrăng, n’gang srê. N’glôn jêh rơh rƀŭn, Thủ tướng Phạm Minh Chính lah rjăp, nău ŭch têh ngăn aƀaơ lah nking n’gang, ntrôl rŭch srê ơm, ngăch, tam tĭng nuih n’hâm bah Nghị quyết 86 bah Chính phủ.

  Rƀŭn nchră pơk sŏng dăng Ƀan ntĭm rđău ngih dak njrăng n’gang srê Covid-19

Moh n’gor mô hŏ dơi geh nău rƀŏng tâm Nghị quyết an kiểm điểm, lah, rblang nkô̆ nău, ngăn lah nkô̆ nău thơ tha bah nsum mpôl, êng nuĭh, gay bah nĕ rhoăt nău blău tâm ntĭm rđău, ƀĭt joet. Thủ tướng an lah, he lĕ roh wăng sa rêh jêng tâm nău nkhah gŭ êng, ƀư tĭng rjăp nău mô luh bah dih jay, ntŭk gŭ ri đăp mpăn gŭ ta nĕ an rgâl tay an dơi uănh nđôi nu nău.

Nŭih rblang: Y Sưng Phê Ja