VOV4.M’nông – Ôi 16/9, ta Ngih pah kan Chính phủ, Thủ tướng Chính phủ Phạm Minh Chính ƀư tơm, ƀĭt joet rƀŭn nchră bah Chính phủ mpeh trong kan ndâk njêng n’hanh lôch jêh ăp nău ntrŭnh. Rƀŭn nchră dơi ƀư tĭng trong pơk sŏng dăng bah ngih pah kan Chính phủ đah 63 n’gor, nkual ƀon têh ta lam dak.

Rƀŭn nchră bah Chính phủ mpeh trong kan ndâk njêng n’hanh jêh ăp nău ntrŭnh

Ntoh ngơi ntơm rƀŭn, Thủ tướng Phạm Minh Chính an gĭt, jêh uănh mĭn nuĭh kan chính phủ năm kan 2021-2026, Chính phủ, Thủ tướng Chính phủ lĕ ntĭm rđău ăp nău kan, ăp gưl ntơm kan dâl ndâk njêng n’hanh lôch jêh ăp nău ntrŭnh, tâm nĕ jao nuĭh djôt bôk dơn trok nău kan ntĭm rđău, uănh nđôi, ntrŭt đă trong kan ndâk njêng, lôch jêh ăp nău ntrŭnh. Thủ tướng đă, ăp n’gâng kan, nău kan, n’gor an mông nar uănh tay, ăp ndơ wak kol, ăp ndơ an mbơh. Thủ tướng nkoch kloh, aơ lah nău dŭt n’hâm khlay, an tâm ban ŭch uănh lah, tâm ban ŭch mĭn nău rƀŏng, nău kan, nău đă, uănh lah nău ê hŏ dơi ƀư, joi luh nkô̆ nău, ngăn lah nkô̆ dơi an mkra.

Nŭih rblang: Y Sưng Phê Ja