VOV4.M’nông – Nar 7/9, Thủ tướng Chính phủ Phạm Minh Chính ƀư tơm rơh rƀŭn pơk sŏng dăng Chính phủ, ăp N’gâng kan, nău kan geh tât đah ăp n’gor, nkual ƀon têh geh dak lêng mpeh nchăng n’gang joi tui ka mô tâm di nău way, mô mbơh n’hanh mô tĭng nău ntrŭnh. Ta rơh rƀŭn, ăp n’gor mper dak lêng lĕ mbơh an Thủ tướng Chính phủ nu nău ƀư tĭng ntĭm rđău bah n’gor nơm, nkre njuăl tât chính phủ, Thủ tướng Chính phủ đă ăp nău n’hanh lĕ ton đah Thủ tướng nsrôih mô an geh nău aơ. N’glôn jêh rơh rƀŭn, Thủ tướng nkoch kloh tĭng trong kan hun hao tui ka Việt Nam, tât năm 2030, rnoh tui ka geh 10 rkeh tấn đah geh prăk tăch n’gluh nklăp 14 tât 16 rmen đôlar. Nău ntoh n’hanh nău kan bah nuĭh ƀon lan joi ka ta ăp nkual dak lêng lĕ mkra nău kan, joi nău rêh an nklăp 1 rkeh nuĭh ƀon lan n’hanh 4 rkeh nuĭh geh tât; rgop hun hao nău kan tui ka, n’hao nău rêh nuĭh ƀon lan, hun hao wăng sa rêh jêng neh dak, rgop khlay mât uănh rnă njrăng, ƀư tơm gôl dak bah Neh dak.

Nuĭh rblang: Y Sưng Phê Ja