VOV4.M'nông: Nar 19/8, Thủ tướng Chính phủ Phạm Minh Chính ƀư tơm rơh tâm nchră pơk sŏng dăng lam dak mpeh pah kan dăp rgum. Thủ tướng dăn đă ăp Bí thư, Kruanh UBND ăp n'gor dôl tĭng ƀư an gŭ srang ngai êng lam rêh jêng kon nuĭh ri tĭng ƀư tay lhăt, ăp n'gor i mô geh gŭ srang ngai êng lam rêh jêng kon nuĭh ri ân hăn kơl ăp n'gor mpeh bah dâng, lơn lah n'hao nău gĭt blău kan mpeh sĭt dăng tay n'hâm suan nuĭh ji jru. Thủ tướng kuăl jă ăp n'gor mpư n'hao nuih n'hâm "tâm yô̆ tâm kơl"; rnê ăp n'gor kơl drăp ndơ an ăp n'gor, nkual ƀon têh mpeh bah dâng.

Lah ta rnôk n'glôch jêh rơh tâm nchră, Thủ tướng Phạm Minh Chính dăn đă ăp n'gâng kan djăt nău rgop bah ăp n'gor n'hanh n'gor ân djăt nău rgop bah ăp n'gâng kan đŏng gay tâm rgop kan nsum ƀư pah kan dăp rgum. Pah kan dăp rgum ân hăn lor bôk năp du njuat, dăp rgum lam lĕ rngôch, nkrum lam, na nê̆ Luật Quy hoạch bah Quốc hội, grêt dăch tĭng săk geh, dơh uĕh tâm rlong bah ăp n'gor, ăp n'gâng kan, nhih pah kan đơn vị gay hun hao nâp jŏ. Geh dăp rgum uĕh mơ geh đề án, trong nchrăp uĕh, geh nuĭh ntuh kơl uĕh, dŏng tơm ntuh kơl ngih dak, hun hao wăng sa - rêh jêng kon nuĭh geh saơ ntil./.

Nuĭh rblang: Điểu Thân