VOV4.M'nông: Ôi 30/8, ta Hà Nội ƀư Tâm nchră rgop nău Trong nchrăp si ƀŭt mbơh n'glôch jêh Nghị quyết mbrô 19-NQ/TW bah Tâm nchră tâl 6, Ban Chấp hành Trung ương khóa XI mpeh rgâl mhe tay trong kan, pháp luật mpeh neh ntu tâm rơh ntrôl dăng lam lĕ rngôch rơh rgâl mhe, njêng jâng nsing gay tât năm 2020 dak he jêng dak công nghiệp tĭng trong uĕh mhe.

Lah ta rnôk ntơm pơk Tâm nchră, Thủ tướng Phạm Minh Chính, Kruanh Ƀan rđău đă, lah rjăp: Lôch bơi 10 năm tĭng ƀư Nghị quyết mbrô 19-NQ/TW, he hŏ geh âk nău dơi khlay tâm hun hao tơm nuĭh kan ntơm bah neh ntu an hun hao wăng sa- rêh jêng kon nuĭh, rgop mât đăp mpăn geh nău tâm ban n'hanh đăp mpăn rêh jêng kon nuĭh, njrăng n'gang neh dak, rnăk njrăng; mât njrăng ntŭk gŭ rêh n'hanh bên di đah rgâl duh nđik trôk nar. Yơn lah tâm rnôk tĭng ƀư hôm geh âk nău khoah đŏng. Yor kơt nê̆, Ban Bí thư hŏ n'gluh an dŏng nău n'glêh an njêng Ƀan rđău đă n'glôch jêh 10 năm tĭng ƀư Nghị quyết 19-NQ/TW. Thủ tướng đă ăp nuĭh rgum tâm nchră tâm ăp nău hŏ dơi geh, ăp nău nchiăng khan, rbăn lhơ n'hanh nkô̆ tâm rnôk tĭng ƀư Nghị quyết 19-NQ/TW, lơn lah ăp nkô̆ nău tă bah uănh lhơ./.

Nuĭh rblang: Điểu Thân