VOV4.M'nông: Nar 13/9, Thủ tướng Chính phủ Phạm Minh Chính, Kruanh Ƀan rđău đă gưl neh dak njrăng, n'gang nuh srê Covid-19 ƀư tơm rơh hop pơk sŏng dăng đah ăp xã, phường, thị trấn, nkuâl, thị xã, nkual ƀon têh ăp n'gor Tiền Giang, Kiên Giang mpeh pah kan njrăng, n'gang nuh srê Covid-19. Aơ lah bar n'gor ntoh tơm nuh srê mhe, n'hanh tât krit nji.

Lah ta rơh hop, Thủ tướng Phạm Minh Chính du tơ̆ tay đŏng lah rjăp nău di bah trong nchrăp, sŏk xã, phường ƀư păng khêl, nuĭh ƀon lan lah tahen; nuĭh ƀon lan nkre lah ntŭk rgum tơm, nkre lah tơm mpôl tâm njrăng, n'gang nuh srê. Nău ndơ̆ dak si sĭt dăch kêng ƀon lan hŏ rgop khlay ƀư hŭch âk bưm an gưl bah lơ, nuĭh ji dơi tât ơm đah dak si n'hanh hŭch bah ir khĭt. Êng ta bar n'gor Kiên Giang, Tiền Giang nô nău tât krit nji; âk đơn vị xã, phường, thị trấn "dôl ư̆r, dôl "êr" jêng gŭr", lah nău dŭt rvê. Thủ tướng ŭch djăt 2 n'gor dja mbơh rblang mpeh  pah kan rđău đă njrăng, n'gang nuh srê, nsing kalơ nê rblang nô nău, ntơm bah nê rgâl ăp trong nkra tĭng ƀư, ăp trong njrăng n'gang nuh srê an geh nău tam./.

Nuĭh rblang: Điểu Thân