VOV4.M'nông: Ntơh măt Thủ tướng Chính phủ, Groi Thủ tướng Lê Minh Khái mhe ký si ƀŭt n'glêh an mpeh prăk kơi ntop rvăt 19.998.810 dĭng vaccine njrăng n'gang COVID-19 BNT162 bah Pfizer. Nău n'glêh an lah kloh, dŏng 2.652.537 rkeh prăk (Bar rbăn prao rhiăng prăm jât ma bar rmen prăm rhiăng pe jât ma pơh rkeh prăk) bah tơm prăk nkrem vaccine njrăng n'gang nuh srê COVID-19 Việt Nam gay kơi ntop rvăt 19.998.810 dĭng vaccine njrăng n'gang COVID-19 BNT162 bah Pfizer n'hanh dŏng an pah kan chuh n'gang vaccine njrăng n'gang Covid-19 tĭng nău dăn đă bah Bộ Y tế. Thủ tướng Chính phủ jao an Bộ Tài chính n'gluh tơm prăk nkrem tĭng di nău way. Bộ Y tế, Bộ Tài chính dơn mpeh nkô̆ n'hanh rnoh nchih mbơh. Nău mât, dŏng, trok tâm rnoh prăk bah lơ nê tĭng ƀư di nău way, di nău ŭch kan, mpêt nkrem, geh nău tam, mbơh kloh. Bộ Y tế mbơh Thủ tướng Chính phủ nău dŏng rnoh prăk mhe nkoch bah lơ nê tĭng di nău way./.

Nuĭh rblang: Điểu Thân