VOV4.M’nông – Nar nđaơ (28/9), ntoh ngơi n’glôn jêh rơh rƀŭn trực tuyến lam dak mpeh ntuh kơl nsum, Thủ tướng Chính phủ Phạm Minh Chính lah rjăp, Chính phủ, Thủ tướng Chính phủ lĕ geh âk nău rgâl, nsrôih ntĭm rđău ƀĭt joet trong nchrăp ntuh kơl nsum năm 2021. Chính phủ, Thủ tướng Chính phủ uănh mĭn kloh trong ntĭm, nău rƀŏng ntĭm rđău, ƀĭt joet lah “nsrôih rnoh tâm pă prăk năm 2021 geh rlău 95% trong nchrăp, rgop khlay tâm nău rdâk hao n’hanh hun hao jâng wăng sa tâm rnôk chôt srê Covid-19”.

Thủ tướng Phạm Minh Chính ntoh ngơi ta rƀŭn nchră

Trong kan tâm pă tơm prăk ntuh kơl nsum lĕ dơi ƀư tâm ban n’hanh dơi geh du đêt săk rnglăy uĕh. Thủ tướng mĭn lah, ntuh kơl nsum lah du nkô̆ nău khlay, an jêh nău rƀŏng hun hao wăng sa rêh jêng năm 2021, tâm ăp khay hôm e bah năm 2021, Thủ tướng đă ăp n’gâng kan, nău kan, ƀon lan ƀư tĭng dŭt n’hâm, tâm ban ăp trong mkra, dôh rklaih ăp mpêr n’gar nking n’gang, jêr jŏt wăk kol, soih luh ntŭk kol gay ntrôl ngăch ƀư tĭng tâm pă prăk ntuh kơl nsum.

Nuĭh rblang: Y Sưng Phê Ja