VOV4.M'nông: Dơn nău jă bah Kruanh rđău kan n'hanh Chính phủ Liên bang Nga, Thủ tướng Chính phủ Phạm Minh Chính râng n'hanh geh nău lah ta rơh Rgum nchră "Pơh lễ ŭnh nar Nga” tâl IV đah nkô̆ "Ŭnh nar lam ntŭr neh" Rgâl gay hun hao", ƀư ta Matxcơva ntơm bah nar 13-15/10/2021 tĭng trong ƀư rhôp rup. Lah ta rnôk rgum nchră Thủ tướng Phạm Minh Chính mpơl nău rhơn n'hanh lah uĕh Kruanh rđău kan n'hanh Chính phủ Liên bang Nga hŏ jă Râng rgum nchră dŭt n'hâm nsing nơm dja.

Thủ tướng lah rjăp, Việt Nam rnê âk nău khlay ƀư tơm bah Liên bang Nga đah n'gâng kan ŭnh nar lam ntŭr neh, kơl mât đăp mpăn n'hanh tâm ban geh ntŭk tăch rgâl ŭnh nar lam ntŭr neh. Thủ tướng nsing nơm an lah ăp nău mĭn mhe bah Nga tâm trong kan ŭnh nar, tâm nê geh Rgum nchră Pơh lễ ŭnh nar Nga rơh dja, hŏ n'hanh dôl rgop tay n'hao dăng tâm dâl n'hanh tâm  boh đah ăp dak n'hanh tâm boh nsum bah dih- tâm trôm ngih dak hun hao ŭnh nar du trong geh nău tam, nâp dăng, yor ma nău geh nsum bah lam nkual n'hanh lam ntŭr neh./.

Nuĭh rblang: Điểu Thân