VOV4.Mnông-Ôi nar 23/9, Thủ tướng Chính phủ Phạm Minh Chính leo rơh rƀŭn nchră rnâng kan ntĭm leo gay ma uănh năl nău njrăng rdâng nuh srê tâm ba năp nơh, ngăn lah nchră mpeh ntrong kan “Rêh nsum đăp mpăn, ueh, geh nău mât njrăng đah Covid-19” tâm let năp tay. Ntoh ngơi ta rơh rƀŭn nchră, Thủ tướng đă, an geh mĭn uănh ntrong kan rêh nsum đăp mpăn, ueh, săk rnglăy. Nău tâm rgop ăp ntrong kan lah nău khlăy mô dơi mô geh yor mông nar mô âk, nău đă kan âk, nău kan âk, nău dơi mô âk. Thủ tướng đă, mhe nơh, ta du đê̆ ntŭk, ta măng trung thu, nuĭh ƀon lan hăn ta trong âk, mbra ntưp rêng âk. An geh njrăng nău aơ. Tĭng nău mbơh tơih bâh Rnâng kan ntĭm leo  ngih dak njrăng, rdâng nuh srê Covid-19 ta lam dak nău nuh srê hôm nha dôl geh mât njrăng n’hanh geh âk nău rgâl mhe ueh, tâm 2 pơh dăch aơ, rnoh nuĭh ntưp ta ntŭk rêh jêng n’hanh nuĭh khĭt lĕ hŭch. Aƀaơ, rnoh Vacxin lĕ pă an lah rlău 50,2% rkeh dĭng n’hanh lĕ geh chuh an rlău 35,1 rkeh nglaih.

Nuĭh rblang: Thị Đoắt