VOV4.M'nông: Ôi 13/10, Thủ tướng Chính phủ Phạm Minh Chính hŏ mâp ƀon lan nkual ƀon têh Cần Thơ tĭng trong pơk sŏng dăng, nchrăp an rơh hop tâl bar, Quốc hội khóa XV. Ntơh măt Chính phủ du tơ̆ tay đŏng Thủ tướng rnê âk nău ŭch tĭng kan, nsrôih lăp kan bah ƀon lan Cần Thơ tâm rơh njrăng n'gang nuh srê Covid-19 n'hanh rdâk hun hao tay wăng sa- rêh jêng kon nuĭh.

Đah nău ƀư lah Đại biểu Quốc hội bah nkual ƀon têh Cần Thơ, Thủ tướng Chính phủ nkoch du đêt nkô̆, dơi ƀon lan uănh khlay kơt: pah kan njrăng, n'gang nuh srê COVID-19; nô nău hun hao wăng sa- rêh jêng kon nuĭh năm 2021 bah ngih dak lah nsum n'hanh nkual ƀon têh Cần Thơ lah êng. Thủ tướng Chính phủ ŭch rŏng, kalơ nuih n'hâm tâm rnglăp, tâm ban ŭch dơn ngoăy, nsrôih ndôr êng, Cần Thơ ân lor nchrăp lơn, lĕ nuih n'hâm lơn, ngăch rdâk hao tay nâp dăng wăng sa- rêh jêng kon nuĭh./.

Nuĭh rblang: Điểu Thân