VOV4.Mnông- Dơn nău jă bâh Thủ tướng dak Campuchia Xăm-đéc Tê-chô Hun Sen, nar 9/9/2021, Thủ tướng Chính phủ Phạm Minh Chính le\ tât râng n’hanh geh nău ntoh ngơi khlăy ta rơh rƀŭn nchră gâl têh tâm kơl nkual Mê Kông pơk hvi GMS tal 7 geh ƀư tĭng trong trực tuyến. Tât râng rơh rƀŭn nchră geh Thủ tướng ăp dak Campuchia, Lào, Thái Lan, Trung Quốc, Việt Nam; ndơn kan Mianmar, kruanh Ngân hàng phát triển châu Á (ADB), n’hanh bơi tât 350 đại biểu ndơn kan an ăp n’gâng kan, ntŭk kan 6 dak, ăp dak kan ndrel hun hao n’hanh rmôt doanh nghiệp tâm nkual n’hanh bah dih nkual. Đah bôk nău “Ndâk nsơm soan dăng kan gay ma tâm rdâng đah ăp nău ntul rlong bâh năm kan mhe”. Rơh rƀŭn nchră tâm kơl nkual dak me Mê Kông pơk hvi lĕ geh uănh nđôi nău ngăn mpeh tâm kơl bâh rơh rƀŭn nchră tal 6 geh ƀư ta khay 3 năm 2018 n’hanh tâm nchră ntrong kan tâm kơl tâm rach năm mhe tâm ban kơt ăp ntrong kan gay ma rlet rlău nău jêr jŏt aơ. Mpeh ntrong kan tâm kơl ta lvang năm aơ, rơh rƀŭn nchră bâh nău nchrăp tâm rdâng đah nău tât nuh srê Covid-19 n’hanh ndâk nsơm bâh lvang năm 2021-2023” n’hanh “Ntrong kan tơm khlăy mpeh tâm kơl wăng sa năm 2030”. Tĭng nĕ, ăp nuĭh leo kan lĕ ndơ̆ mbơh nău mpŏng kan tât năm 2030 mpeh du nkual lăp kan ndrel, têh kuăng n’hanh hun hao nâp nâl n’hanh lĕ rngôch. Nglôch lôch rƀŭn nchră, ăp nuĭh leo kan lĕ geh mbơh nău mbơh nsum bâh rơh rƀŭn nchră n’hanh dơn ngoăy leo kan rơh rƀŭn nchră GMS 8 ta Trung Quốc năm 2024.

Nuĭh rblang: Thị Đoắt