VOV4.M’nông: Kêng măng 10/9, ta ntŭk kan Chính phủ, Thủ tướng Chính phủ Phạm Minh Chính hŏ vơt ntoh măt Hà Lan Elsbeth Akkerman. Ta nar tâm nchră, ntoh măt Hà Lan lah rjăp Chính phủ Hà Lan uănh khlay nau tâm boh ăp ntil, kan nsum mpeh nau tâm dơi rdâng đah rgâl mhe trôk nar ndrel mât dak ndrel tuch tăm nâp nâl đah Việt Nam, uănh nê lah nau nâp tơm, rgop nau leo nau tâm boh 2 Chính phủ ndrel ntŭk kan tăch rgâl bah bar dak hun hao jru ndrel nâp tam.

Thủ tướng Phạm Minh Chính đă ntoh măt đah Chính phủ, ăp ntŭk kan geh tât ndrel ntŭk kan tăch rgâl bah Hà Lan lŏ kơl an Việt Nam ơm geh vắc xin bah nau ân manh mô lah kơl an, kŏ kơt lah nau kơl an dak si săm srê Covid-19 ndrel ndoh ndơ dak si ân Việt Nam. Mpeh nau kan Biển Đông, ntoh măt Elssbeth Akkerman mbơh Hà Lan kơl an ăp nau kan bah ASEAN, lah rjăp ŭch tâm boh jŏ jong, đăp mpăn, nâp nâl ndrel dah rŏng dak lêng ndrel trong trôk, rklaih ăp nau tâm rkeh ma nau đăp mpăn, tâm nau ryơk pháp luật, tâm nê geh nau tâm ton Liên hợp quốc mpeh luật dak lêng năm 1982./.

Nŭih rblang: H’Thi