VOV4.M’nông – Nar 25/8/2021, ta ngih pah kan Chính phủ, Thủ tướng Chính phủ Phạm Minh Chính lĕ wơt groi Tổng thống Hoa Kỳ Kamala Harris dôl khâl Việt Nam. Ta rơh mâp, tâm rgâl mpeh ăp trong na nê̆ gay ntrôl kan ndrel ăp ding, Thủ tướng Phạm Minh Chính Việt Nam uănh wăng sa-tăch rgâl lah n’gâng tơm n’hanh n’hâm soan bah tâm boh Việt Nam-Hoa Kỳ; dăn đă 2 ding n’hao tay kan ndrel tâm rnôk tâm ton nsum mpeh tăch rgâl n’hanh ntuh kơl (TIFA), nkre uănh mĭn tay ndâk njêng tâm rnôk kan ndrel wăng sa-tăch rgâl mhe gay ntrôl lơn tay kan ndrel tăch rgâl tâm ban, nâp nâl. Nkoch ăp nău rgop bah Thủ tướng Chính phủ Phạm Minh Chính, Groi Tổng thống Kamala Harris uănh lah prêh ăp nău nsrôih bah Chính phủ Việt Nam an uănh nđôi n’hanh rdâng đah chôt srê Covid-19, mĭn lah Hoa Kỳ mbra ntop kơl tay an Việt Nam rdâng tam đah chôt srê Covid-19 n’hanh ăp nău geh chôt srê tâm rgŏ năp, mât uĕh mô an tăch proăt trong tâm pă lam ntŭr neh. Groi Tổng thống mbơh Hoa Kỳ ntop kơl tay Việt Nam 1 rkeh dĭng vaccine Pfizer n’hanh mbra rdêng tât Việt Nam tâm 24 mông tât.

Nŭih rblang: Y Sưng Phê Ja