VOV4.M’nông: Lơ 13/9, Thủ tướng Phạm Minh Chính hŏ pah kan trực tuyến đah 2 n’gor Tiền Giang ndrel Kiên Giang mpeh nau njrăng, rdâng srê Covid-19. Lôch nar rƀŭn, Thủ tướng Phạm Minh Chính lah rjăp, rơh rƀŭn trực tuyến bah 2 n’gor, trực tuyến tât xã, phường, nkuăl têh lah nau gay ma geh djăt tay ăp nau mbơh đă bah ăp nŭih geh nau blau, geh tay nau gĭt, ƀư nâp tay nau kan dak si, geh nau blau ăp ntil mpeh nau kan njrăng rdâng đah srê ji. Bar n’gor Kiên Giang, Tiền Giang geh nau nsôih âk, ƀư nau tâm nkhah srang tâm 2 khay ma aơ, yơn lah, âk pơh rlau aơ, nau tât ê geh kơt nau ŭch.

Thủ tướng mbơh nau ndrel ân lah, geh nkô̆ nau tât yor nau rđau kan, geh nkô̆ nau tât nau ƀư kan. Bah nau tâm nchră gưl n’gor, xã, phường ri saơ ăp nau kan aơ hôm tâm ƀah, nau kan ê geh nâp, ƀư nau kan hôm vĭ vĕ, mbơh nau kan ê nâp, ê geh tâm dăch ngăn rđil nau dôl geh bah srê. Thủ tướng rđau n’gor Tiền Giang ndrel Kiên Giang ân geh nsôih lơn tâm nau kan njrăng, rdâng srê Covid-19, ngăch n’huch nau ntưp rêng bah srê nuh./.

Nŭih rblang: H’Thi