VOV4.Mnông- Thủ tướng Chính phủ Phạm Minh Chính mhe geh đă n’gâng kan dak si leo kan, tâm rgop đah ăp ntŭk kan geh tât n’hanh UBND n’gor Thanh Hóa ngăch ndăn uănh nđôi, ƀư kloh na nê̆ nău kan, nkô̆ nău jêng geh nău tât lôch chuh vaccine njrăng rdâng Covid-19 ta Thanh Hóa. Nău tât geh ta Công ty TNHH Giầy Kim Việt, nkuăl Nông Cống, n’gor Thanh Hóa nar 23/11, ƀư 4 nuĭh khĭt lôch chuh vaccine njrăng rdâng Covid-19. Thủ tướng chính phủ đă ntŭk kan têh an geh uănh nđôi ƀư kloh na nê̆ nău aơ, uănh năl nkô̆ nău ngăn jêng geh nău tât, rhoăt njrăng tâm nău kan, mbơh tơih an Thủ tướng chính phủ ta năp nar 30/11. Thủ tướng đă n’gâng kan dak si tâm rgop na nê̆, ndrel đah ăp n’gâng kan, ntŭk kan tĭng nău dơi, ntrong kan bâh nơm geh pă kan mât tŏng ăp ndơ dŏng, nău kan mât uănh njrăng rdâng Covid-19 tâm di đah nău ntrŭnh, dơn leo kan ƀư chuh vaccine njrăng rdâng Covid-19 đăp mpăn, khoa hoc, geh săk rnglăy ta lam dak.

Nuĭh rblang: Thị Đoắt