VOV4.M’nông – Ta Hà Nội mhe ƀư Rƀŭn nchră đah Rnâng kan Chính phủ n’hanh Ban Thường vụ Ủy ban Trung ương MTTQ Việt Nam. Ntoh ngơi ta Rƀŭn nchră, Thủ tướng Chính phủ Phạm Minh Chính lah rjăp, MTTQ Việt Nam an tâm rgop rjăp lơn đah Chính phủ tâm mĭn njêng, lôch jêh trong ƀư, nău kơl, pháp luật, nta an nuĭh ƀon lan mât uĕh nău dơi ƀư tơm, râng geh săk rnglăy tâm nău mât uănh ngih dak, mât uănh nău rêh jêng.

Rƀŭn nchră Rnâng kan Chính phủ n’hanh Ƀan thường bụ Ủy ban Trung ương MTTQ Việt Nam.

Chính phủ đă MTTQ Việt Nam n’hanh ăp rmôt kan chính trị-rêh jêng, Ban Dân vận Trung ương hăn ndrel đah Chính phủ, ndrel soan, du nuih n’hâm mbơh ƀư ăp nău kan khlay ma Đại hội 13 bah Đảng lĕ n’gluh an kơt: Tâm rlơp đăp mpăn, ngăch prăl, groi nđôi săk rnglăy Covid-19, nkre njrăng n’gang srê tam, nkre rdâk hao n’hanh ntrôl hun hao wăng sa rêh jêng, đăp mpăn nău rêh n’hanh đăp mpăn rnă njrăng, đăp mpăn nău rêh jêng lah nău kan jăch ndăn, khlay bôk năp tâm lvang aƀaơ.

Nŭih rblang: Y Sưng Phê Ja