VOV4.M’nông – Thủ tướng Chính phủ mhe geh công điện njuăl Bí thư Thành ủy, N’gor ủy, Kruanh UBND nkual ƀon têh Hồ Chí Minh n’hanh ăp n’gor: Bình Dương, Đồng Nai, Long An; Kruanh ăp n’gâng kan, Kruanh ăp ngih pah kan tâm ban bộ, ngih pah kan tâm chính phủ; Ƀan ntĭm rđău mât njrăng bri dak, nchăng n’gang srê Covid-19;  Rmôt pah kan khlay êng bah chính phủ ƀư tĭng trong kan njrăng n’gang srê Covid-19. Tâm công điện geh nkô̆ nău: Sŏk xă, phường, nkuăl têh lah “hăn lor”, nuĭh ƀon lan lah “tahen” njrăng n’gang srê gay kuăl jă, rgŏ jă, rblang, bônh đă, ntĭm, đă ăp nuĭh ƀon lan mô luh bah dih jay, “Nuĭh ntŭk gŭ ri gŭ ta nĕ”, tâm ƀah nuĭh đah nuĭh, jay đah jay, xă phường đah xă phường. Nuĭh ƀon lan lah tơm rhŏ an, trong njrăng n’gang srê. Nău tât râng, tĭng rjăp nău ntrŭnh bah nuĭh ƀon lan tơm khlay ntrŭnh an lôch uĕh njrăng n’gang srê, Aơ lah nău kan, n’hanh nău dơi bah ăp nuĭh ƀon lan gay mât njrăng săk soan an săk nơm, rnăk wâl n’hanh nsum mpôl. Lơh dơi kop ji lah nău lơh dơi bah nuĭh ƀon lan.

Nŭih rblang: Y Sưng Phê Ja