VOV4.M’nông – Kêng măng 19/10, Thủ tướng Chính phủ Phạm Minh Chính mâp măt ntoh măt ntoh lư ăp rơh kơn bu ur di nkah gĭt 91 năm nar ndâk njêng Liên hiệp Bu ur Việt Nam, Nar Bu ur Việt Nam 20/10. Ta nar mâp măt, 46 nuĭh ntoh măt lah ăp nuĭh Mê̆ Việt Nam janh dăng, ăp bu ur ntoh lư bah ăp nuĭh gĭt blău, doanh nhân, nai dak si, nghệ sỹ, phung pah kan, rmôt tahen, công an, nuĭh tâm rnglăp nchră nău bah dih, bu ur geh nău rêh jêr jŏt, bu ur nsrôih râng njrăng n’gang srê lĕ ndrel nkah gĭt tay ăp nău khlay tâm năm bah năp. Ntoh ngơi ta nar mâp măt, Thủ tướng Phạm Minh Chính mĭn lah, Đảng, Ngih dak kơp dơn ăp n’hâm soan rgop têh kuăng bah bu ur Việt Nam tă bah ăp rơh. Nuĭh ƀon lan nkah gĭt n’hâm soan têh bah ăp nuĭh Mê̆ Việt Nam janh dăng, ăp nuĭh mê̆ lĕ geh soan n’hanh mât ăp nuĭh janh dăng bah neh dak Janh dăng.

Nŭih rblang: Y Sưng Phê Ja