VOV4.M’nông – Groi Thủ tướng Chính phủ Lê Văn Thành mhe ký an Ntĭm đă mrô 27 nar 3/10/2021 bah Thủ tướng Chính phủ mpeh nău rdâk hao nkra njêng ta nkual nkra njêng Công nghiệp tâm rnôk njrăng n’gang srê Covid-19. Ntĭm đă nkoch kloh srê Covid-19 ntoh tay lĕ khuch hô tât nu nău nkra njêng tăch rgâl bah ăp doanh nghiệp, săk soan, nău rêh bah nuĭh ƀon lan. Trung ương Đảng, Quốc hội, Chính phủ lĕ an âk Nghị quyết, ntĭm đă, n’glôn jêh ntĭm rđău mpeh njrăng n’gang srê Covid-19. Đah nău lăp dŭt n’hâm bah lĕ trong chính trị, nsum mpôl doanh nghiệp n’hanh nuĭh ƀon lan lĕ ntơm dơi uănh nđôi n’hanh ntơm dơi ntrôl rŭch. Thủ tướng Chính phủ đă Kruanh n’gâng kan, Kruanh ngih pah kan tâm ban Bộ, Kruanh ngih pah kan tâm Chính phủ, Kruanh UBND n’gor, nkual ƀon têh mpeh tâm Trung ương, ăp rmôt kan n’hanh êng nuĭh geh tât ƀư tĭng ntĭm đă aơ.

Nuĭh rblang: Y Sưng Phê Ja