VOV4.M'nông: Kêng măng 31/8 Thủ tướng Chính phủ Phạm Minh Chính hŏ hăn uănh năl ƀư Nhih dak si săm Covid-19 ta Hà Nội mpeh Nhih dak si Đại học Y Hà Nội ta phường Yên Sở, quận Hoàng Mai, nkual ƀon têh Hà Nội n'hanh hăn ôp uănh ntŭk geh duh hô mpeh nuh srê Covid-19 ta quận Thanh Xuân, Hà Nội. Ta rơh hop đah kruanh rđău kan  nkual ƀon têh Hà Nội lôch hăn ôp uănh bah kơi nê ta ntŭk, Thủ tướng Phạm Minh Chính lah kloh, nuh srê hôm tât krit nji, nuĭh ƀon lan Hà Nội hôm luh trong âk, jêng Thủ tướng mĭn lah, dôl tĭng ƀư nău ntrŭnh mbrô 16 kơt nê lah mô hŏ tŏng geh nău dơi tam. Thủ tướng đă, xã phường ân ƀư uănh năl mham tĭng trong ntĭm nti. Ân ƀư ndăn ngăch, ƀư srêt rơh tât kơl. Xã phường rgum kơl, mât chăm, săm an dŭt ngăch, ndơ̆ ndơ rhŏ dŏng kan dak si tât dŭt dăch ƀon lan, dŭt ơm gay bah ir khĭt, der bưm kol khan, jêng tât lhăt bêng trong, nuĭh ƀon lan đăp mpăn yor dơi săm ơm./.  

Nuĭh rblang: Điểu Thân