VOV4.M’nông – Kêng măng 30/9, Thủ tướng Chính phủ Phạm Minh Chính pah kan trực truyến đah Ban Thường vụ  n’gor ủy Thừa Thiên Huế mpeh nu nău hun hao wăng sa rêh jêng 9 khay năm 2021 n’hanh nu nău mbơh ƀư Nghị quyết bah Bộ Chính trị mpeh nău ndâk njêng n’hanh hun hao n’gor Thừa Thiên Huế tât năm 2030, uănh tât năm 2045. N’glôn jêh rơh rƀŭn, njrăng n’gang srê Covid-19 n’hanh hun hao wăng sa rêh jêng khay bah năp, rgop săk rnglăy, khlay tâm nău geh nsum bah neh dak he. Ntrôl dăng tay kơp uănh, ƀư jêh trong ƀư, nău kơl, dôh rklaih an nkra njêng, tăch rgâl; Ntrôl dăng dăp rgâl tay wăng sa hăn ndrel đah rgâl mhe ntrong kan n’hanh n’hao uĕh hao jêng tĭng nkô̆ nău kơt dŏng khoa học công nghệ, rgâl mhe mĭn ƀư, n’hao săk rnglăy pah kan đah khlay dăp rgâl tay ăp nău nkra njêng, ndoh ndơ dŏng gay hao ngăch rnoh khlay tâm dak, rnoh khlay hao dăng tâm rlong bah jâng wăng sa hăn ndrel ƀư tĭng tâm ban, săk rnglăy rgâl mhe têh hvi.

Nŭih rblang: Y Sưng Phê Ja