VOV4.Mnông-  Thủ tướng Phạm Minh Chính, kruanh rnâng kan ntĭm leo ngih dak njrăng, rdâng nuh srê Covid-19 lĕ pah kan trực tuyến đah rnâng kan ntĭm leo pe n’gor Phú Thọ, Sóc Trăng, Cà Mau. Rơh pah kan gay ma mât uănh, ntrŭt đă nău kan njrăng rdâng nuh srê, nkre lah djăt ăp nău tâm rgop, nău mbơh dăn bâh ăp ntŭk mpeh nău ntrŭnh rêh đăp mpăn , mât njrăng săk rnglăy nuh srê. Ntoh ngơi ta rơh pah kan, Thủ tướng Phạm Minh Chính dăn đă ăp n’gor Phú Thọ, Sóc Trăng, Cà Mau ngăch uănh njrăng nuh srê mhe ntoh, nsrôih ƀư tĭng ăp ntrong kan lĕ geh ntĭm đă dơn ngoăy bâh trung ương đah 3 nău kan tơm khlăy. Thủ tướng lah na nê̆, rnôk ƀư tĭng nău ntrŭnh “5k+vac xin+ mât săm+ công nghệ n’hanh n’hao nău gĭt an ƀon lan”. Thủ tướng lĕ đă ăp ntŭk an geh tâm rgop tay na nê̆, săk rnglăy lơn tay tâm nău kan ndơ̆ vơt nuĭh bâh ntŭk aơ tât ntŭk êng mât đăp mpăn ăp ntrong kan dak si n’hanh ntŭk rêh jêng an ƀon lan.

Nuĭh rblang: Thị Đoắt