VOV4.M’nông – Ôi 28/9, Thủ tướng Chính phủ Phạm Minh Chính lĕ ƀư tơm Rƀŭn nchră trực tuyến lam dak Chính phủ đah ăp n’gâng kan, nău kan, ngih pah kan Trung ương n’hanh ăp ntŭk ntrôl mkra tâm pă prăk ntuh kơl nsum. Tĭng nău mbơh, trong nchrăp ntuh kơl prăk ngih dak năm 2021 dơi Thủ tướng Chính phủ jao du tơ̆ an ăp n’gâng kan, ngih pah kan trung ương n’hanh n’gor bah dŭt năm 2020 đah dĭng lĕ rnoh prăk lah 461.300 rmen prăk. Tât aƀaơ, lĕ tâm pă, jao na nê̆ an ăp nău nchrăp ƀư geh bơi 88%.

Thủ tướng Phạm Minh Chính ƀư tơm rơh rƀŭn trực tuyến lam dak mpeh ntrôl mkra pă prăk ntuh kơl nsum

Ntoh ngơi ta rƀŭn nchră, Thủ tướng Phạm Minh Chính an gĭt: rƀŭn nchră aơ gay uănh lah săk rnglăy, rblang ăp ndơ lĕ dơi ƀư, mô hŏ dơi ƀư; rblang nkô̆ nău, ngăn lah nkô̆ nău mô nchrăp; bah nĕ n’gluh an trong rƀŏng, trong mkra ntrôl tâm pă tơm prăk ntuh kơl nsum tâm khay tât. Thủ tướng đă ăp nuĭh ntoh măt rgum bôk rngok, tâm nchră gay ntrôl tâm pă, dŏng geh săk rnglăy tơm prăk ntuh kơl nsum, rgop hun hao wăng sa-rêh jêng năm 2021 n’hanh nta an hun hao wăng sa rêh jêng năm 2022.

Nuĭh rblang: Y Sưng Phê Ja