VOV4.M’nông – Thủ tướng Chính phủ Phạm Minh Chính mhe geh rơh rƀŭn pơk sŏng dăng đah wa Aurélia Nguyen, Kruanh ƀĭt joet Bôk nău kan COVAX. Ta rơh rƀŭn, Thủ tướng rnê n’hanh uănh lah prêh nău ƀư tơm bah COVAX joi ntŭk pă, ƀĭt joet, tâm pă tâm ban vaccine njrăng n’gang Covid-19 ta lam ntŭr neh, rgop khlay tâm nsrôih nsum gay uănh nđôi chôt srê. Tâm nchră đa wa Aurélia, Thủ tướng mĭn lah nău ntrŭnh êng bah Việt Nam an săk soan n’hanh đăp mpăn bah nuĭh ƀon lan lor bôk năp n’hanh lor lah; Việt Nam dôl nsrôih chuh vaccine an lam ƀon lan ngăch ngăn, ơm ngăn dơi geh. Thủ tướng đă COVAX kơl lor tâm pă vaccine an Việt Nam lơ ngăch lơ uĕh, lơ âk lơ uĕh, ngăn lah tâm ăp khay 9, 10 n’hanh 11; lôch jêh tâm ton pă vaccine an Việt Nam tâm năm 2021. Thủ tướng dăn đă đŏng COVAX tâm pă, an Vaccine Moderna gay Việt Nam chuh nglai tal 2 an nuĭh ƀon lan.

Nuĭh rblang: Y Sưng Phê Ja