VOV4.Mnông- Kêng măng nar 24/10, Thủ tướng Phạm Minh Chính leo rơh rƀŭn nchră bâh rnâng kan chính phủ an tâm rgop mpeh nău nchrăp bôk nău kan ndâk nsơm n’hanh hun hao wăng sa- rêh jêng. Thủ tướng đă bôk nău kan an geh nău têh hvi, nău kan tŏng têh, tŏng jŏ năm khay, bâh ntrong kan uănh tĭng Nghị quyết Đại hội 13 bâh Đảng, uănh nđôi nău nchrăp hun hao wăng sa rêh jêng 5 năm 2021-2025 n’hanh bôk nău kan hun hao wăng sa rêh jêng năm 2022. Thủ tướng đă nău mĭn kan uănh năl, nău nchrăp pah kan an geh tâm di, ƀư nău ngăch ngăn, tâm di, kloh rjăp, an geh knơm ta rnoh mbrô geh kơp geh nău tâm knơm âk. Bôk nău kan an geh rgum nău kan tơm khlăy, nău kan khlăy ta du đê̆ nău tĭng trong, ăp ntrong kan an geh mbơh tơih mpeh nău kan dak si ngăn lah nău dơi n’hao nău kan dak si lah nsum, tâm nĕ nău khlăy ngăn lah  mât uănh tât nău dơi mpeh ntŭk kan, vaccine n’hanh ăp ntrong kan mât săm, ăp nău rnă njrăng rêh jêng, bôk nău kan kơl an, ndâk nsơm doanh nghiệp, ntŭk kan nsum, mât đăp mpăn nău kơl kan  têh hvi, mât njrăng lạm phát...Thủ tướng đă ntŭk kan leo kan an geh gĭt nău tâm rgop ăp đại biểu n’hanh geh ôp nău tâm rgop bâh ăp ntŭk kan geh tât mpeh nău nchrăp ndâk nsơm n’hanh hun hao wăng sa rêh jêng, ndăn mbơh tơih ăp gâl kan geh nău dơi an geh ơm ƀư, ngăn lah an geh mât săk rnglăy, geh nău dơi, njêng nău tâm ban ŭch têh.

Nuĭh rblang: Thị Đoắt