VOV4.M’nông – Ntoh ngơi ta nar mâp ăp doanh nhân ntoh lư di nar doanh nhân Việt Nam (13/10) ƀư ôi 12/10, Thủ tướng njuăl nău mbah rhơn tât nsum mpôl doanh nhân, rmôt doanh nhân Việt Nam hun hao nar lơ têh dăng, rgop âk lơn tay tâm rnôk ndâk njêng neh dak Việt Nam têh dăng, uănh lăng n’hanh mpŏng ăp doanh nhân hăn ndrel tay đah rnoi mpôl, nsrôih rlet rlău jêr jŏt, lơh dăng chôt srê n’hanh lôch uĕh ndâk hao, hun hao wăng sa rêh jêng, nchih tay tâm plơk mhe bah doanh nhân Việt Nam.

Thủ tướng mâp măt ăp doanh nhân ntoh lư.

Thủ tướng Phạm Minh Chính du tơ̆ tay mĭn lah nău tơm khlay bah rmôt doanh nhân, doanh nghiệp tâm rnôk hun hao wăng sa neh dak. Đảng, Ngih dak uănh mĭn mro n’hanh uănh lah prêh nău khlay bah rmôt doanh nhân n’hanh nsum mpôl doanh nghiệp Việt Nam. Thủ tướng mpŏng tâm năm tât ăp doanh nghiệp hăn ndrel tay đah Chính phủ rlet rlău lvang jêr jŏt aơ gay ndâk njêng neh dak hun hao têh dăng, uĕh lăng.

Nŭih rblang: Y Sưng Phê Ja