VOV4.M’nông: Kêng măng 18/10, Thủ tướng Chính phủ Phạm Minh Chính mâp măt ntoh măt rmôt kan dak si mpeh bôk năp tâm nau njrăng rdâng srê Covid-19. Rơh tâm mâp geh ƀư tĭng nau kan trực tuyến tâm rgop nsum ƀư sŏng. Râng nar mâp măt geh rlau 19 rbăn nai dak si ntoh lư ngăn tâm nau njrăng, rdâng srê Covid-19 bah ntŭk kan dak si, tahen, Công an tâm lam dak. Ta nar mâp măt, ăp nai dak si, cán bộ nau dak si hŏ pă mbơh ăp nau kan, ăp nau mĭn tâm ăp nar ƀư kan rlau aơ. Âk nau nkoch ân saơ nau jâk mô dơi nkoch lôch bah ăp nŭih rdâng đah “rlăng Covid-19”. Ntoh nau ta nar mâp măt, Thủ tướng Chính phủ Phạm Minh Chính lah rjăp, Đảng, Ngih dak ndrel ƀon lan lah ueh ngăn ndrel rnê prêh ngăn rmôt bôk năp njrăng srê ndrel cán bộ, nŭih pah kan dak si, ŭch rmôt nai dak si mpeh bôk năp lŏ ƀư ueh nau vay ơm ndrel ăp nau dơi geh, ăp nau blau tâm rơh rlau aơ, lŏ kơl an, nsôih ân nau njrăng, rdâng srê kŏ kơt lah nau mât chăm ân săk soan ƀon lan./.

Nŭih rblang: H’Thi