VOV4.M’nông – Ôi 27/8, Thủ tướng Phạm Minh Chính, Kruanh Ƀan ntĭm rđău ngih dak njrăng, n’gang Covid-19 ndrel mpôl pah kan bah chính phủ lĕ tât khâl, ntrŭt nsôr Đảng bộ, n’gâng kan n’hanh ƀon lan Bình Dương, uănh nđôi, ntĭm rđău trong kan njrăng n’gang srê tĭng nuih n’hâm hăn tât ntŭk, măt saơ tôr tăng nău njrăng n’gang srê n’hanh đăp mpăn nău rêh bah nuĭh ƀon lan ta xă phường. Rơh pah kan gay uănh lah lĕ rngôch nău ƀư n’hao srang tâm ƀah kon nuĭh n’hanh ăp trong njrăng n’gang srê Covid-19 ta n’gor Bình Dương kơp bah nar 23/8, tâm nĕ rgum uănh nđôi, ntrôl, ntrŭt đă ăp ntŭk, xă, phường tâm njrăng n’gang srê. Jêh rnôk uănh nđôi hăn ngăn ta ăp ntŭk bôk trong rlong dak njrăng n’gang srê n’hanh ăp ntŭk trong xă phường, Thủ tướng lĕ geh nar pah kan đah kruanh n’gor Bình Dương, Thủ tướng đă tât nar 15/9 Bình Dương nsrôih ndơ̆ nău rêh bah nuĭh ƀon lan plơ̆ tay nâm ơm.