VOV4.M’nông – Kêng măng 2/11 tĭng mông ta ntŭk, tâm rnôk rƀŭn nchră rơh tal 26 ăp Ding râng Công ước nsum bah Liên hợp quốc mpeh rgâl trôk nar duh nđik (COP26) ƀư ta dak Anh, Thủ tướng Phạm Minh Chính râng n’hanh ntoh ngơi ta nău mbơh n’hŭch nja metan lam ntŭr neh tă bah Tổng thống Mỹ Joe Biden n’hanh Kruanh Ủy ban châu Âu ndrel ƀư tơm. Ntoh ngơi ta nar mbơh aơ, Thủ tướng Chính phủ Phạm Minh Chính lah uĕh n’hanh uănh lah nău Mpôl rdâk ƀư, Tổng thống Hoa Kỳ n’hanh Kruanh Ủy ban châu Âu lĕ jă râng nău ƀư tâm ton n’hŭch nja metan.

Thủ tướng râng n’hanh ntoh ngơi ta nău khlay mbơh tâm ton n’hŭch nja metan lam ntŭr neh

Ta nău ƀư khlay aơ, Thủ tướng Phạm Minh Chính njuăl 2 nău mbơh. Thủ tướng kuăl jă lĕ rngôch he an tâm rnglăp, tâm ban ŭch, ndrel ty nking n’gang, ntrôl rŭch ƀư n’hŭch hao bah n’hâm nja metan. Thủ tướng mĭn lah, aơ lah nău lam ntŭr neh an geh trong gĭt êp lam ntŭr neh; lah nău khuch tât ăp nuĭh ƀon lan an geh trong gĭt êp lam ƀon lan.

Nuĭh rblang: Y Sưng Phê Ja